Фатих Султан Мехмет Хан – дүйнөгө белгилүү Осмон империясынын улуу султандарынын бири. Ал 9 жашында куран хафизи болуп, 12 жашында такка отуруп, болгону 21 жашында дүйнөнү таң калтырган улуу жеңишке – Константинополду (Стамбулду) багынтууга жетишкен.
Өзүнүн кыска өмүрүндө ал 2 империяны, 4 падышалыкты жана 11 княздыктын бийлигин кулатып, Осмон мамлекетинин күчүн арттырган. Пайгамбарыбыз Мухаммад ﷺ хадисте Константинополду багынта турган аскер жана анын башчысы бактылуу экенин айтып өткөн. Дал ошол башчы – Фатих Султан Мехмет Хан болгон.
Бул китепте анын лидерлик касиеттери, аскерий стратегиясы жана ислам дүйнөсүндөгү орду кеңири баяндалат. Тарыхка, ислам илимине жана улуу инсандардын мурасына кызыккан ар бир окурман үчүн баалуу булак болуп эсептелет.