Он гүлүнүн бири ачыла электе жаштыгынын айынан турмушуна тузак тарткандардын колуна түшүп, кырчындай өмүрү кыйылып бараткан Айсел кыйкырып жатты: "Эх, эч нерседен кабары жок бейкүнөө жаштар! Өзүңөргө жакшы карагыла, жаман, зулум адамдарга алданып калбагыла. Алар эмнеңер болсо, баарын алышат, эч аяп койбойт. Эгер алар адамды адам кылган "ар намыс", "адамгерчилик", "уят-сыйыт" деген баалуулуктарыңарды тымызын уурдап алышса, анда иштин бүткөнү ошол. Анда силер адам катарынан чыгып калган болосуңар. Силерде болгону акча калат. Андай акчанын пайдасы силерде эки гана жерде тиет; дары-дармек жана кепин сатып алууда. Ошондуктан бардык нерсеге убагында баа берип, убагында ойлонгула!